Herriko talde beterano batek eskaini zuen atzo gauean kontzertua BET jaialdiaren egun handia iritsi aurretik. Txus Arriaranek eta Laida Ballesterosek osatzen duten LATOX taldeak, musika instrumentalarekin girotu zuen gaua.
Bateria elektronikoa sintetizatzaileaz uztartuz, ohiko ereduetatik aldentzen den musika berria ezagutzera emateko asmoz igo ziren oholtzara. Bertaratutakoen txalo zaparradarekin bukatu zuten euren emanaldia, eta gero festak jarraitu egin zuen. BET DJak jarraitu zuten musika jartzen eta VJak (video-jockey-ak) izan ziren bideo proiekzioak jartzen. LATOX taldearen emanaldiaren aurretik ere, DJ batek girotu zuen kartzela zaharra.