Ordu eta erdiko emanaldian, Andoni Egaña bertsolari zarauztarra arituko da esatari lanetan eta hizketaldian zehar, irlen eta artxipielagoen inguruko gogoetak plazaratuko ditu, baita musikaren eta kulturaren inguruko hainbat hausnarketa eskaini ere. Ikuskizunak gidoia izan arren, Egañak publikoarekin eta inprobisazioarekin egingo du jolasean.
Ikuskizunak duen malgutasunaren beste adierazleetako bat, bergarako dantza taldeak eskainiko duen arin-arina izango da. Herriko gaztetxoek ilusioz hartu dute Artxipielagoaren beste irla bat izateko gonbita. Herriko gaztetxoez gain, Edu Muruamendiaraz bergarako dantzaria ere igoko da frontoiko oholtzara.
Sarrerak, zortzi eurotan, eguenetik aurrera izango dira salgai arratsaldeko 18:00etatik aurrera Semiraxoa aretoko txartel-leihatilan zein ticket.kutxabank.es webgunean.
