Jardun Euskara Elkartekoek 79 lan jaso dituzte aurten Amodiozko Gutunen Lehiaketan, eta pozik daude kopuruarekin, baina batez ere, jatorriarekin eta idazleen artean egon den aniztasunarekin. Behin gutunak jasota, Eñaut Asuabarrenak, Ane Labakak, Patxi Larrionek eta Eider Perezek osattutako epaimahaiak erabakiko du zein izango den irabazlea.
Epaimahai gaztea Aitor Alberdik, Maider Guridik, Maider Andrinuak eta Naiara Azkaratek osatuko dute, eta beraien ardura izango da 26 urtez azpikoek idatzitako gutunik onena eta amodizoko esaldi onena aukeratzea.
Amodiozko esaldiak
Hain zuzen ere, urtarrilaren 25era arte egongo da zabalik amodiozko esaldiak bidaltzeko aukera. Mezu guztiak jatorrizkoak, argitaragabeak eta euskaraz idatziak izan beharko dute, eta partaideek nahi beste esaldi aurkeztu dezakete. Amodiozko esaldia Whatshappez edo mezuz 605712469 telefono zenbakira edo e-postaz amodiozkogutunak@gmail.com helbidera bidali beharko da.
Sari banaketa otsailaren 14an, San Balentin egunean, egingo da Bergarako Irizar jauregian, 19:00etan hasita.
