Bergarako Udalak Zubietako zubia birgaitzeko lanak hasiko ditu udaberrian

Bi helbururekin egingo dituzte lanak: zubia bera birgaitzeko eta balioan jartzeko, batetik; eta Zubieta kaletik erdialderako irisgarritasuna bermatzeko, bestetik. Otsaila eta martxoa bitartean hasiko dituzte lanak eta lau hilabete iraungo dute.

Zubietako kalearen alde bietan espaloia jarriko dute, zubira igotzeko aldapa txikitu egingo dute eta zubiaren bi aldeetan baranda eta led argiak ipiniko dituzte. Horiez gain, egun bistan dagoen argindar eta telefonia sarea lur azpitik bideratuko dute.

314.251 euro

Elena Lete alkateak azaldu duenez, aspaldiko asmoa zen lanak abiaraztea, baina orain jarriko dituzte martxan. 314.251 euro kostako dira (BEZ barne): horietatik 194.784 Eusko Jaurlaritzak jarriko ditu; eta gainontzekoa ordaintzeko, Udalak Kupoaren akordioari esker aske geratutako diru partidaren zati bat erabiliko du.

Ondare izendapena

Zubietako zubiak ondare izendapena dauka eta alboan dituen Usondo eta Laureaga etxeak baino lehenagokoa da; berari buruzko lehen aipamena 1596ko apirilaren 21eko Udal akta batean azaltzen da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.