Kataluniarekiko elkartasun ekimen ugari izaten ari dira egunotan Debagoieneko herrietan. Azkenengoa atzo, eguena, Bergaran egin zutena izan da. Herriko zenbait musikariren deialdiari erantzunez, L'estaca edo Agure zaharra kantua abestu zuten Irala kalean hainbat musikari eta herritarrek.
Deialdia egun batetik besterakoa izan bazen ere, jendearengana iritsi zen, eta Pol Pol tabernaren aurrealdean jende ugari elkartu zen musikaren eta kantuaren bitartez Kataluniarrei elkartasun mezua helraztera.
Batzuek euren ahotsak eraman zituzten kantaldira, eta herriko hainbat musikarik, berriz, euren instrumentuak ere eraman zituzten. Denen artean, elkartasun emanaldi polita egin zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.