Azaroaren 11n estreinatuko den 'Alizia musikala' obran, 100 artista inguru izango dira oholtzan

Bergarako Musika Eskolak musikal berria aurkeztu du eguerdian: Alizia musikala. Lewis Carroll-en Alice in the Wonderland obra hartu dute oinarri bezala, baina dagoeneko hura egin zenetik 150 urte pasa direnez, euskarazko moldaketa berri bat egin dute, jendaurrean erakusteko.

Antolatzaileek iragarri dute Alizia musikala oso ikuskizun "berritzailea" izango dela. Gidoia zeharo aldatu dute eta Aliziaren bidaia, "gure herrian, gure garaian" hasiko dela esan dute. Ikus-entzunezko punta-puntako teknologiak erabiliko dituzte, euren gidoia gauzatzeko. Izan ere, adierazi dute gertaerak oso lotuta egongo direla "belaunaldi berrien ohitura eta gustuekin". Musikalaren azpititulua hauxe da, hain justu; herrialde miresgarrian badago wifia.

Bi ordu inguru iraungo dituen musikala izango da eta guztira 100 artista inguru izango dira oholtzan. Azaroaren 11n eta 12an izango dira emanaldiak 18:30ean Udal pilotalekuan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.