Azaroan hasi ziren lehenengo botatze lanarekin, eta hilabete batzuk pasata, aste honetan amaitu dira lanak. Lanak Urartetxe enpresak egin ditu eta pasabidea egurrezkoa da, zabaleran bi metro eta luzeran 35 metro dituelarik. Horrez gainera, gauetan guztiz argiztatuta izango da ezarri dioten led kordoi bati esker. Obra egiteko garaian auzokideen aurretiko kezkak kontuan izan dira.
Zubi zaharraren eraispenarekin, gune honek zuen uholde arriskua gutxitzen da eta pasabide berriari esker, auzotarrei ibaia gurutzatzeko aukera berria emango zaie. Guzti honekin Mekolaldeko auzotarren segurtasuna eta erosotasuna hobetu nahi da.
