Suak kalte material handiak eragin ditu Bergarako Askarruntz industriagunean

Zapatu arratsaldean, uztailak 30, Hierros Naparra enpresaren Naparra Blending lantokian piztutako suak kalte material handiak eragin zituen Askarruntz industriagunean (Labegaraieta). Ondoko Torber enpresa ere kaltetu zuen suteak. "Sabaia erre zaigu, sabai barik gaude. Ondoren, gainera, sekulako ekaitza egin zuen eta uholdea daukagu hemen. Ezin genuen albiste txarragorik izan oporretara joan aurretik", adierazi dute Torber enpresako arduradunek.

Sute batek eta ondorengo ekaitzak kalte material handiak eragin ditu Bergarako Azkarruntz industriaguneko bi enpresatan. Sua Hierros Naparra enpresaren Naparra Blending lantokian piztu zen, bakarrik. 17:45ak aldera piztu zen sua; ez zen inor ebakuatzeko beharrik egon eta, beraz, ez zen zauriturik egon. Suhiltzaileak gaueko 23:30ak arte egon ziren bertan, sua itzaltzen.

Berezko konbustioa

Berezko konbustio baten ondorioz piztu zen sua, zapatu arratsaldean. Naparra Blending-ek, besteak beste, hondakinekin egin dute lan, zementuarendako erregai alternatiboak sortzeko. Uste dute sua piztu zela hondakinak edukiontzi batetik bestera pasatzeko prozesu automatikoan.

Izan ere, zapatu arratsaldean ez zegoen inor lanean. Naparra Blending-ek teilatuan izan ditu kalte handienak, baina justu ondoan dagoen Torber enpresara ere heldu zen sua eta hor kalteak handiagoak izan dira, bereziki ondoren bota zuen euri-jasa dela-eta.

 

Erlazionatuak

Sutea Bergarako Askarruntz industriagunean

Bergara

Zapatu arratsaldean, uztailak 30, Hierros Naparra enpresaren Naparra Blending lantokian piztutako suak kalte material handiak eragin zituen Askarru...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.