Duela bi aste ireki zuten Agorrosingo kanpoko igerilekua, baina orain arte egin duen eguraldi aldakorrak ez du bainurako gonbita egin. Aste honetako tenperatura altuen eraginez, baina, eta haur asko dagoeneko oporretan daudenez, Agorrosingo igerilekuak goraino bete dira aste barruan. Eta, Osasun Sailak agintzen duen moduan, sorosleek igerilekuko aforoa zaintzen jardun dute, segurtasun neurri moduan.
Aforoa zaindu behar horrek buruhausteren bat sor diezaioke erabiltzaileari. Eta horren aurrean, pazientzia eskatu dute Agorrosingo kudeatzaileek, gogorarazita, erabiltzaileen euren segurtasunaren aldeko neurria dela.
Atzo, eguaztena, gainera, tenperatura altuengatik alerta horian egonda aparteko neurriak hartu zituzten.
