Gustura dira talde zuri-gorrian. Horrela esan dio lehen taldeko jokalari Vanesa Gimbert bergararrak. Jarraian hamar norgehiagoka irabazita sailkapeneko lehen postuan dira. "Baina ez da konfiantza handiegirik hartu behar", dio. "Garrantzitsua da lanean gogor jarraitzea".
Hirugarren denboraldia du bergararrak talde zuri-gorriaren lehen taldean. Aurretik Levante, Estudiantes, Sevilla, Rayo Vallecano, eta Españyol taldeen kamisetak ere jantzi ditu. Urte asko eman ditu kanpoan. "Askotan utzi behar izan dut familia atzean. Urte asko eman ditut kanpoan baina argi dago gauzak ez direla bakarrik etortzen. Borrokatu egin behar dira" dio.
Euskal Selekzioko eta Espainiako elastikoak sarri jantzi ditu.
Domekan Oviedo izango dute aurrez aurre. "Taldearen lana eta afizioaren babesa garrantzitsuak izango dira bolada onari jarraipena emateko", ziurtatu du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak