Azken egunotan gertatutakoak baloratzeko eta erabakiak hartzeko balio izan zuen bart iluntzeko batzar orokorrak. Candyren berrindustrializazioarekin bat egiten duten 50 bat langileak eta enpresa batzordeko kideak batzartu ziren Bergarako udaletxean.
Elkargi eta Oinarri erakundeek diru mailegu publikoa ukatu egin dietela jakitea kolpea izan da langileendako, baina aurrera jarraitzea erabaki dute. Hala, Eusko Jaurlaritzarekin batzarra eskatuko dute, gobernuari eskatzeko jarrera alda dezan eta "batzar pribatuetan emandako hitzari eutsi" diezaion, langileen ordezkarien esanetan.