Antxintxika lasterketa, zapatuan

Zapatuan jokatuko da Antxintxika lasterketaren 11. edizioa, Soraluze eta Bergara artean. Dagoeneko 300dik gora dira izena eman dutenak, eta antolatzaileek dei egin diete parte hartzera korrika egitea zaletasun duten denei. Ostiralera arte apuntatu daiteke.

 

Zapatu arratsaldean jokatuko da Soraluze eta Bergara arteko Antxintxika lasterketaren 11. edizioa. 10 kilometro izango dira ohi bezala, ibilbidean, Bergarako herrigunean, aldaketatxoren batzuekin. Dagoeneko 300 lagun baino gehiagok eman dute izena.

Korrrikakoa bakarrik ez, patinatzaileena eta lasterketa egokitua ere izango dira. Azken hau izango da aurrenekoa, 16:30ean, patinatzaileena ordulaurden geroago eta 17:00etan korrikakoa. Aurretik, baina, neska-mutikoak ibiliko dira, 15:00etatik aurrera.

Izena emateko

Izena aurrez eman behar da, ostiral arratsalderako, kirolprobak.com helbidean. Dorsalak jasotzeko, zapatu goizean Bergarako plazan eta 14:30etik aurrera irteeran. 15:30ean eta 16:00etan autobusak aterako dira Bergaratik Soraluzera parte-hartzaileak eramateko.

Sariak eta zozketak 

Kuadrilla onenentzat ere egongo dira sariak, eta baita zozketa ere. Inskripzio bakoitzeko euro bat gaixotasun arraroak dituztenak laguntzeko izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.