Udalean ez dago gobernurik, Bergarako EH Bilduren ustez

Bergarako EH Bilduk, Udal Gobernuaren lehenengo 100 egunen balantzea egin du. Oposizioko alderdi nagusiak Bergarako Udalean ez dagoela gobernurik, eta hartu diren erabaki txikietan atzerapauso nabarmena egin dutela gardentasunean eta demokrazian salatu nahi izan du.

Udalaren gobernu eza justifikatzeko datu zehatzak eman nahi izan ditu Bergarako EH Bilduk. Hala nola, martxan zetozen hainbat proiektu Udalak gelditu dituela, Gobernuak dauzkan asmoak ez dakizkiela oposizioak, ez dela ekimen berririk egin lau hilabete hauetan, zenbait herritar eta eragilek gobernuko kideekin harremanetan jartzeko zailtasunak izan dituztela adierazi dutela edota batzorde gehienak ez direla eratu irailera arte.

Gainera, oposizioko taldeekin inolako feedbackik eduki gabe erabaki txikiak hartu dituela salatu dute.

EH Bilduko Udal taldeak lehentasuna maila propositiboan lanean gogor jarraitzea izango dela azpimarratu du, Bergara hobetzeko proposamenak udalari eta bergararrei helarazteko asmoarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.