Valen Moñux bergararra pozik dago irabazi berri duen sariarekin: 2016ko otsailean Donostiako Kursaalean La Traviata opera zuzentzeko saria irabazi du; horrez gain, eszenografia diseinatuko du. Preferente mailako talde bat entrenatzetik txapeldunen ligako talde bat entrenatzera pasatzea moduko dela azaldu du Moñuxek.
Donostiako Opus Lirica konpainiak maiatzean deitutako sariketa irabazi du Moñuxek. Abeslari profesionalekin lan egingo duela azaldu du.
Otsailean izango da estreinaldia. Ordura arteko hilabeteetan gogor lan egin beharko du; batez ere eszenografia diseinatu eta egiten. Lan hori Alex Odriozola herrikidearekin batera egingo du.
Debagoiena Zuzenean saioan izan da Moñux sariketari buruz berba egiten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.