Zabaldu dute Bidekurtzeta kalea ibilgailuen zirkulaziorako, atzo (astelehena) zabaldu ere. Maila berean jarri dituzte espaloia eta errepidea eta irudiok erakusten duten moduan, oinezkoek orain leku handiagoa dute bertatik pasatzeko. Momentuz, ibilgailuek lehengo moduan zirkulatzen dute.
Bestela esanda, Bergararen erdigunera joateko, San Pedro kaletik sartzen segitzen dute ibilgailuek, gero epaitegitik aurrerako bidea itxita dagoenez, Komenio kalekoraino iristeko.
Edozein modutan, behin-behinekoa da zirkulazioaren noranzko hori. Bergarako Udalak aztergai du horrela utziko duen, edo aldaketaren bat egingo dioten. Irailean landuko dute gaia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.