Olaso dorreko lorategia ofizialki zabaldu dute

Dagoeneko jendeari zabalik zegoen arren, Olaso dorretxeko lorategiaren irekiera ofiziala egiteke zegoen, eta gaur, domeka, egin dute hori arduradunek. Jarduneko alkate Jaione Isazelaiak eta Jose Luis Elkorok ebaki dute zinta, eta Turismo bulegoko langile Jon Arroitak azalpen interesgarriak eman ditu lorategiaz eta dorretxeaz. Hainbat herritarri bisita gidatua eman diete bi eremuetan, eta bukatzeko, luntxa eskaini diete lorategian, magnolioaren gerizpean. Isazelaia "oso pozik" azaldu da lorategi eder hori herriarendako berreskuratu delako.