Orain artean bezala, herriari, eskualdeari eta Euskal Herriari buruzko informazioa jasotzeko aukera izango da turismo bulegoan. Eta bisitak ere eskainiko dituzte; bai bisita monumentalak, baita lorategi edo elizei buruzkoak ere. Eskualde izaerako produktu turistikoak ere izango dituzte bertan, jatekoak eta edatekoak erosteko aukera izango da, beraz.
Aste Santurako guztia prest utziko dute eta eguaztenetik aurrera jasoko ditu bisitariak turismo bulego berriak. Aste Santuostean, oraindik zehazteke duten arren, asteburuetan zabaltzeko asmoa daukate.
Bisitariak
Pasa berri den asteburuan, ondarea bertatik bertara ezagutzeko jardunaldietan, 65 lagunek egin dute bisita, Mintegiko Elizan. Eta bulegoa itxita egon arren, 300 lagunek egin dituzte bisitak azken hiru hilabeteotan.
