Laboratorium museoa irekitzear dagoen urte honetan, altzairuz egindako hiru metroko eskultura bat jarri dute autobidetik gertuen dagoen sarreran. Eskulturak wolframioaren atomoa irudikatzen du, eta horren aurkikuntza esanguratsua izan zen elementuaren hizkia ere ikusten da bertan.
Aurkikuntza garrantzitsua
Wolframioa garrantzi handikoa izan zen metalurgiaren garapenean, hainbat erabilera eremu dituelako: etxekoak, publikoak, estrategikoak eta militarrak. Aurkikuntza hark berehala izan zuen oihartzun handia mundu osoan. Frantziako, Britainia Handiko, Alemaniako eta Suediako aldizkari zientifiko nagusietan argitaratu zuten, eta Encyclopédie-n ere agertu zen.
