Aurkeztu dute, nerabeen artean euskarazko ahozkotasuna sustatzeko, Berbekin programa

Tolosako esperientziaren ostean, Bergaran ere nerabeen ahozkotasuna indartzeko Berbekin programa aurkeztu dute. Udalaren, jaurlaritzaren eta aldundiaren babesa duen ekimen hau soziolinguistika klusterrak garatuko du eta herriko hiru ikastetxeetan ezagutuko dute.

Erabilera da, hain zuzen ere, Berbekin programak sustatu nahi duen esparrua. Horretarako herriko Mariaren Lagundia eta Aranzadi Ikastolak eta Ipintza institutua izango ditu bidelagun, baina ahozkotasun hori benetan indartu ahal izateko esparru zabalago batean aztertu beharreko gaia dela uste dute programaren babesleek.

Soziolinguistika klusterrak garatuko duen programak aintzat hartuko du ñabardura hori, eta orain arte ez bezala, 2017ra arte, hizkuntza irakasleak ez diren irakasleekin egingo dute lan.

Programak hiru fase izango ditu. Behaketa fasea eginda dago eta hasiak dira lehen konklusioak aztertzen. Bigarren fasea formazioan oinarrituko da eta hirugarrena erabakien garaia izango da. Azken honetan finkatuko dira nerabeen ahozkotasuna indartzeko aurrera eroan beharreko ekintzak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.