Bergarako alkategai jeltzalea den Juanje Alberdik gaur goizean egin duen agerraldian azaldu duenez, asteak daramatzate herriko kirol eta arlo sozio-ekonomikoko eragile eta norbanakoekin batzartzen.
Bide horretan jarraitzeko asmoa duten arren, ahalik eta programa osoena egiteko herritarren iritzi eta proposamenak ere jaso nahi dituzte.
Horretarako, aste honetan, etxez etxe banatuko duten esku-orrian, hainbat galdera dituen orri eta gutun-azal bat ere gehitu dute, bergararren iradokizunak era anonimo eta doakoan egin ahal izateko.
