Denboraldirako prest

Pasa den astean eguraldiagatik Lokatza Ziklismo eskolaren  aurkezpena bertan behera geratu eta gero, atzo, pintxo potearen giroa aprobetxatuz klubeko 15 txirrindulari gazteak aurkeztu zituzten Irala kalean.

Urduri zeuden atzo Lokatzako arduradunak. Egunero ez da horrelako aurkezpen bat egiten eta herritarren aurrean taldearen aurpegi onena erakutsi nahi zuten.

Alebin, infantil eta gazte mailako 15 txirrindulariak  aurkeztu ostean klubetik pasa diren kirolari amateurrak ere egon ziren Irala kalean. Pasa den denboraldia espero baino baxuago amaitu arren, klubean argi dute, lasterketetan lehen postuetan egoteri uko egin gabe, Lokatzaren lehentasuna txirrindulari gazteak heztea dela.

Lokatzakoen lana ez da txirrindulari eskolara mugatzen, klubak bere gain hartzen baititu inguruetan egiten diren lasterketa ugari.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.