Figura esanguratsua
Telesforo Monzon 1904an jaio zen Olaso dorrean. Madrilen zuzenbide ikasketak egin zituen, eta distantziak, euskara, gure kultura eta herriarekiko zuen maitasuna azaleratu zituen. Garai politiko latzak pairatu zituen, errepublikaren gainbehera, gerra zibila, lagun ugari hiltzen ikusi behar, erbestea...
Euskal Herrian hizlari esanguratsuenetako bat izan zen, eta "Maltzagarainoko bidea elkarrekin egin behar dugu", bezalako esaldien "indarra eta balioa" gaur arte iritsi dira.
Domekako omenaldia
Ekitaldian bertan, Osintxuko Musiraka dantza taldea eta Trikiti eskolako kantariak izango dira, eta euskara zein euskal kultura ere aldarrikatuko dute.
Era berean, bere hitz eta irudian bitartez biziberrituko dituzte Monzonen mezu eta ideiak, eta Maite Aristegi Monzonen ideiek egun duten indarraz eta aldaketarako baliagarritasunaz arituko da.
Maren Belastegi EH Bilduko kideak azaldu duenez, erabakitzeko eskubidea esparru guztietan aldarrikatu nahi dute, langileen baldintzetatik hasita. Horregatik, domekako omenaldian Candyko langileek bizi duten egoera "latzarekin" bat egingo dute.