Laranja koloreko elkartasun keinuak Plazaola eta gainontzekoen alde

Aitziber Plazaola Xibo eta irailaren 22tik aurrera epaituko dituzten beste 27 kideenganako beste elkartasun keinu bat izan zen Bergarako Libre gunean egindako ekitaldia. Ekitaldi goxoa izan zen, lagun artekoa; txalaparta, poesia, kuadrillakoen hitzak, bertsoak, ilustrazioak... Eta Aitziber Plazaolarenganako  besarkada, keinu eta hitz goxoak.

Modu horretan, ekitaldira batu zirenek erakutsi zuten epaiketaren aurrean kontrakotasuna: "Zentzugabeko epaiketa bat da, militantzia politikoaren kontrako epaiketa. Euren lana eta izana epaituko dira eta ez delitu edo ekintza konkretuak", esan zuten ekitaldian. Azpimarratu zuten epaiketa bera dela zigorra eta gogora ekarri abendura arte 28 gazteek Madrilera egin beharko dituzten joan-etorriek "kostu ekonomiko eta pertsonal itzelak" suposatuko dituztela. Hala, aurrerantzean ere, epaiketaren kontra egingo diren ekintzatan parte hartzera gonbidatu zituzten herritarrak.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.