Bergarako Agorrosingo kirolgunean dena gertu dago ikasturte berriari hasiera emateko. Bihar irekiko da igeriketako jardueratan izena emateko epea eta zabalik egongo da egubakoitzera arte.
Lehorreko jardueratan izena eman gura duenak ere, egubakoitzera arte du tartea. Aurreko urteetan moduan, eskaintza zabala da Agorrosinen.
Kanpoko igerilekuan jende gutxiago
Bestetik, abuztuan izan ez ditugun udako egunak izaten ari gara egunotan eta oraindik opor giroari agur esan gura ez diotenak kanpoko igerilekuan elkartu dira gaur goizean.
Ez da ona izan aurtengo abuztua Bergarako igerilekuetan. Iazko uztailean, esaterako, 43.000 sarrera saldu ziren Agorrosinen. Aurten, 28.000. Aldea, nabarmena. Abuztuko eguraldi petralak span eragin du igoera. Han, iaz baino jende dezente gehiago ibili da.
Datorren aste osoan itxita egongo da kirol instalazioa garbiketa lanak direla-eta. Denboraldiari hasiera emango zaio, beraz, hilaren 15etik aurrera. Aukerak hor dituzue, animatzea besterik ez da gelditzen.