AP1 autobidean, Bergara eta Eibar artean norabide bakoitzeko errei bakarra erabili ahalko dute ibilgailuek oraingo aste osoan. Eta Gasteizko noranzkoan by-passa ezarri dute. Bergara eta Maltzaga artean dagoen Lesarriko tunelean izandako lurjausiaren ondorioz egin behar izan dute hori.
Gipuzkoako Foru Aldunditik emandako informazioaren arabera, laster jakinaraziko dute zenbat denboran zirkulatu beharko den modu horretan AP1 autobideko zati horretan, baina segurua da oraingo astean behintzat, horrela izan behareko dela.
Lurjausia Lesarriko tunel barruan gertatu zen, joan den zapatuan, abuztuaren 9an. Oraindik ez dituzte gertakariaren arrazoiak argitu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.