Baina erramuak bedeinkatu bakarrik ez, onenari, saria ere eman diote eta hala, Angiozarko Mertxe Altuberena izan da aurtengo erramu saritua. Auzoko ortuen lehiaketa ere egiten dute San Juanen, eta bertako irabazlea ere gaur eman dute jakitera. Denetarik duen Atxotegi baserriko baratzak eroan du aurten sari potoloa.
Baina sariketez aparte, giro ona izan da gaur nagusi San Juan auzoan. Mezaren ostean, mokadutxoa egiteko aukera izan dute auzotarrek, eta horren ostean, omenaldia egin diete 80 urtetik gorako auzotarrei.
