Arrizuriagako jauregia eta Errege Seminarioaren arteko permuta gauzatu bitartean, Bergarako Udalak,seminarioko elizak behar dituen lanekin hasteko onespena jaso du. Domingo Irala kalera ematen duen fatxada konpontzeaz gain, teilatuko zati batzuk ere berrituko dira. Elizaren zesioaatzoko ezohiko osoko bilkurak aho batez onartu ondoren, gaur bertan hirigintza batzordeak onartu dituen konponketok 242.000 euroko aurrekontua dute, eta %65 Jaurlaritzak ordainduko du. Kanpoko lan hauek, baina, ez dira eraikinean egingo diren obra bakarrak izango.
Eraikinak parten den elizan kultura erabilerarako espazio polibalente bat ere egingo da. Kultura gune berri horren proiektua oraindik ez dago zehaztua, baina aurten egingo dituzten kanpoko obren ostean ekingo diete barruko lanei. Obrak hasi aurretik hausnarketa edo kontraste prozesu bat ere abiaraziko dute. Horren ostean, Udaletik adierazi dute, proiektua aurten idazteko asmoa dutela, eta lanok datorren urte hasieran abiaraziko dituztela.
