2015. urtean hasiko da Miguel Altuna berria gauzatzen

Urteetan geldi egon eta gero, Bergarako Miguel Altuna Institutua Otsein lantegiaren ingurura eroateko proiektua 2015. urtetik aurrera gauzatuko da. Goizean Jaurlaritzako ordezkariek aurkeztu dute proiektua institutuan eta data zehatzik eman ez duten arren, beranduenez 2018-2019 ikasturterako martxan egongo da eraikin berria.

2015ean hasiko dira Miguel Altuna berria gauzatzen. Patxi Lopezen exekutiboak garatutako proiektua izango da, azkenean Candy Hoover enpresaren alboan eraikiko dena.  Batera 10.000 metro koadro izango dituen bi eraikin edukiko ditu institutu berriak, eta lehen proiektuaren parte ziren hainbat zati kanpoan geratu diren arren, institutuko arduradunak pozik daude proiektuak aurrera egingo duelako.

Beranduenez, 2018-2019 ikasturterako martxan egongo da Miguel Altuna berria eta Irazabal zuzendariak aurreratu duenez, bertan industriarekin zerikusia duten modulu berriak eskaintzeko aukera izango dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.