Bigarren saria, Barakaldoko Diego Leonendako izan da. 84 urteko gizonezko batek zortzi urte lehenago hildako emazteari idazten dion azken gutuna da harena. Epaimahaiaren iritziz, "hunkigarria, sentimenduz betetako gutuna. Betiko maitasunen topikoa errepikatu arren, lehenengo pertsonan idatzitako gutun orijinal eta sinesgarria. Adineko pertsona baten barruan oso ondo pertsonifikatutako gutuna".
Bergarar onenaren saria, berriz, Uxue Agirrek irabazl du. Hark, bikotekideagatik amodio estuegia sentitzen duen eta ondorioz askatasuna galdu duen gaztea irudikatzen du. "Barruko sentimenduak adierazteko hizkuntza aberatsa erabiltzen duen gutuna", dio epaimahaiak.
Azkenengo sariak, irakurle gazteek 26 urtetik beherako onenari emandakoak, Algortara egin du aurten. Ainhoa Ortega da horren egilea, Bergarako lehiaketan dagoeneko beteranoa.
