Bergarako PSE-EE herrian "atez atekoa" jartzearen kontra azaldu da

"Bilduren Udal gobernu taldeak bihartik aurrera herrian atez ateko hondakin bilketa sistema jartzeko duen asmoaren kontra" azaldu dira Bergarako sozialistak; "are gehiago, leihoetan jarritako zabor poltsa, batutako sinadura eta egindako manifestazio eta herri galdeketa bidez, herritarrak behin eta berriz sistema horren kontra azaldu direla kontuan izanik".

Bergarako sozialisten bozeramaile Mari Karmen Barrenetxeak bere "harridura" azaldu du, eskualde berean dauden kasu ezberdinen aurrean: "Arrasaten, atez atekoa geldiaraztea lortu duten bitartean, adibidez, Bergaran atez atekoa inposatuko da, dekretu huts bidez eta herritarren borondatearen gainetik". Horri gehitu dio, "herritarrek eurek egindako galdeketan agerian geratu" zela "bilketa sistema horrekiko aurkakotasuna": "Boto emaileen %98 bosgarren edukiontziaren alde azaldu ziren".

"Demokrazia lezioa"

"Bergararrek pazientzia handia erakutsi dute, Bilduren krispazio eta probokazioetan erortzea saihestuz. Herritarrek jarrera baketsua izan dute, baina argia eta irmoa euren aldarrikapenetan, eta horrek Bilduri sekulako demokrazia lezioa emateko balio izan du", azaldu du Barrenetxeak.

"Hondakinak batzeko sistema garestiago, zikinago eta deserosoago bat ezarrita, herritarrak izango dira kaltetu nagusiak", bere hitzetan, eta arrazoi horregatik Bergarako alkateari eskatu dio "tik autoritarioak alde batera utzi eta herri mugimenduari kasu egiteko".

Bukatzeko, Mari Karmen Barrenetxeak esan du sozialistek "birziklatzearen aldeko apustua" egiten dutela, baina ez "derrigortzea, intimitatea urratzea, espazio publikoaren kaltetzea edo beharrezkoa ez den gastu publikoaren gehikuntza bat suposatzen duten neurriekin".

Erlazionatuak

Bergara Garbia: "Aurretik genuen jarrera berdina mantenduko dugu eta protesta ekintza berriak antolatu"

Bergara 1

Bergaran hondakinak batzeko sistema berria martxan jartzeko bost egunen faltan, Bergara Garbiak prentsaurrekoa eskaini du. Bildu-Aralarri "inposake...
Martitzenetik, hondakin bilketa sistema mistoa Bergaran

Bergara

Eztabaidaz jositako prozesu luze baten ondoren, hurrengo martitzenean, otsailak 4, jarriko da martxan hondakinak biltzeko sistema mistoa. Horrela j...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.