Ekimen honek helburu bikoitza dauka, "batetik jendearen lana eskertzea eta bestetik diru hori herriko merkatari eta ostalarietan geratzea", aipatu du Leire Iruin Kultura zinegotziak. Bergara bizi sortu zenetik Udalak herriko merkataritza txikia sustatzeko konpromisoa indartu du, eta diru bonu hauen bitartez Udalak banatzen dituen dirua herria geratuko dela ziurtatu nahi da.
Onuradunak diru bonua jasotzen duenetik hiru hilabete izango ditu hura erabiltzeko, eta Bergarako edozein komertziotan gastatu ahal izango du. Erabilera okerra saihesteko merkatariek bonuaren jabearen izen-abizenak, Nortasun Agiriaren zenbakia eta sinadura idatzi beharko dituzte bonuaren atzeko aldean. Ondoren, udaletxera joan eta bertan dirutan bueltatuko zaio bonuaren kopurua.
Ekimen honetan parte hartu gura ez dutenek udaletxeari jakinarazi beharko diote hori.