Barikuan inauguratu zuten Bergarako Aroztegi aretoan gerra hasi zenetik Elgetako frontea erori arteko argazki-erakusketa, Bergara 1936, eta dagoeneko 300 ikusletik gora izan ditu. "Eta garrantzitsuena da zapatuan asko ibili zirela argazkietako jendea identifikatzen, eta guretzat hori da garrantzitsua", adierazi du Juan Ramon Garain, Intxorta elkarteko ordezkariak. Izan ere, Garaik esandakoaren arabera, asmoa da gero material hori guztia liburu batean jasotzea, eta hori lortzeko talde irekia sortu gura dute Bergaran, "Oñatin egin dugun moduan".