Bergarako margolari ezaguna izango da aurten Pentekoste jaiei hasiera emango diena; Miguel Okinak jaurtiko du Bitorianatxo jaitsi aurreko etxafuegoa. Modu horretan Udalak Espainiako Gerran parte hartu eta gerra hura sufritutako guztiak omendu nahi ditu: "75. urteurrena dela-eta Espainiako Gerran parte hartutakoak omendu nahi genituen, baina, oso zaila da gaur egun Bergaran gerran parte hartutako herritarrak topatzea. Miguel Okinak 12 urte zituen orduan eta oso gertutik bizi izan zuen Espainiako gerra". Okinak 87 urte ditu egun.