Bergarako Udal Gobernuak, atzera begira ipini eta agintera iritsi zenetik hona egindako lanaren balantzea egin nahi izan du. Pozik daude egindako lanarekin, baina azaldu dute egoera ekonomikoak zuzenean eragin duela beraien jardunean eta asmo eta proiektu asko bertan behera utzi edo atzeratu egin behar izan dituztela. Aurrekontu orekatua lortzea izan da beraien hitzetan erronka edo zailtasun nagusia. Eta aurrera begira ipinita zero zabor filosofiarantz bidea egiten jarraitzea eta atez ateko bilketa sistema abian ipintzea izango dira gobernuaren erronka nagusiak. Oposizioarekin orain arte izandako harremana ere baloratu dute.