Kutxa Ekoguneak bultzatutako azoka jasangarriak herritar ugari erakarri ditu goizean Bergarako San Martin plazara. Kontsumo jasangarria bultzatzea da azoka ibiltari horren helburua eta zeregin horretan beste kontsumo eredu bat posible dela ikusi ahal izan dute azokara hurbildutako herritarrek, bizimodu jasangarria egiteko aukerak badaudela, azken batean.