Sorturen aurkezpena Bergaran

Datorren otsailaren 23an egingo du Sortuk alderdi berriaren sorrera ekarriko duen lehen kongresua eta, ordura arteko bidea egiteko, eratze prozesuaren gaineko txostena atera du ezker abertzaleak. Lau hilabetez luzatuko da prozesua eta helburua izango da datorren urtetik aurrera ezker abertzalearen erreferente politiko berria izango den indarraren ezaugarri nagusiak nolakoak izan behar diren argitzea eta erabakitzea. Herriz herri egingo dituzte batzarrak eta eztabaidak, eta atzo –eguaztena– horren guztiaren berri emateko aurkezpena egin zuten Bergaran. Mikel Zubimendi, ezker abertzaleko kidea eta legebiltzarkide ohia, gonbidatu zuten hitzaldia ematera.