Anabel Martinez: "Tapoiak eta eskuko telefonoak batzen gabiltza gaixotasun mitokondrialen ikerketek jarrai dezaten"

Bergarako Iker Galanek 2 urte eta 9 hilabete ditu eta gaixotasun arraro bat dauka: gaixotasun mitokondriala, hain zuzen. Gaixotasun arraro guztiekin gertatzen den moduan, mitokondrialen kasuan ere oso gutxi dira gaitzaren inguruan egiten diren ikerketak. Eta egungo egoera ekonomikoarekin, ikerketa gutxi horiek bertan behera gelditzeko arriskua dago gainera. Horri aurre egin nahian, bere gurasoak tapoiak eta eskuko telefonoak batzen ari dira.