Jesus Larretxea: "Gaixotu bezala, nork bere burua sendatzeko gaitasuna du eta makrobiotikak asko laguntzen du"

Joan zen egubakoitzean Bergaran makrobiotikari buruzko hitzaldia egin zuten eta Jesus Larretxea makrobiotikaren aholkularia izan zen hizlaria. Larretxea osasun arazo larri batek hurbildu zuen makrobiotikara eta hainbat hitzaldi eta ikastaro ematen ditu berak eraiki duen bizi filosofia propioa zabaldu nahian. 35 urterekin minbiziak bere bizitza arriskuan jarri zuen baina gaixotu bezala, nork bere burua sendatzeko duen gaitasuna aldarrikatzen du.