Lore Gazteak dantza taldekoak eta Txikitxu Arrostaitz dantza taldekoak ere izan dira Udalak antolatu duen herritar berriendako ongietorri ekitaldian. Aurreskua dantzatu diete bertan izan diren herritarrei eta Maider Morras alkateak hartu du hitza lehenengo.
Alkateak esan du "harrera herria" dela Arrasate, eta besteak beste, herrira bizi izatera etorri diren pertsonek izan dituzten haurrengatik, Arrasate dela Euskal Herrian biztanle kopurua handitu duen herri bakarrenetarikoa.
Alkatearen hitzen ostean, banan-banan ondorengo elkarteetako ordezkariek hartu dute hitza: AED, SOS Arrazakeria, Txatxilipurdi elkartea, Saharar elkartea, Ekin Emakumeak elkartea, IMME elkartea, Amerika elkartea eta Udal euskaltegia. Guztiek adierazi dute elkartetako ateak zabalik daudela.
