Lanaren errutinan harrapatuta jolasteko plazera ahaztuta daukan aita baten istorioa

Markeliñe antzerki taldeak Hodei guztien gainetik haur antzezlana ekarri zuen domekan Arrasatera. Bere lanaren errutinan harrapatuta jolasteko plazera ahaztuta daukan aita lanpetu baten istorioa kontatu zuten. Zorabio baten ondotik, ordea, kartoizko hodeien artean bizi den aingeru baten munduan esnatzen da. Kartoizko zeru horretatik ikusten dute aitarik gabe jolasten den ume bat. Hausnarketarako gai polita da.