2023an sortu zen proiektua, Gipuzkoako Foru Aldundiak bultzatuta, eta jasangarritasunaren inguruan Euskal Herrira egokitutako adierazle global bat sortzea du helburu, enpresa txiki eta ertainek euren praktika jasangarriak eta ingurumen irizpideak, sozialak eta gobernantzakoak diagnostikatu, lehenetsi eta hobekuntzak kudeatzeko.
AGA, Fagor Taldea eta CAF
Arrasateko AGA izan da bere esperientzia partekatu duen enpresetako bat. Lanketa honek jasangarritasunaren arloan egiten ari direnei zentzua emateko balio izan diela kontatu du Txema Elizaran zuzendari nagusiak.
Pandemia bueltan hasi ziren iraunkortasuna lantzen Fagor Taldean. Iraunkortasun koordinatzaile Aritz Otxandianok azaldu du hasieratik ulertu dutela euren proposito originalarekin –hau da, gizartea aldatzeko asmoarekin– konektatzeko marko egoki bezala, eta iraunkortasunak ondo gorpuzten duela gaur egungo gizartearen eraldaketak behar duen norabidea.
AGAren eta Fagor Taldearen esperientziak ez ezik, CAF enpresarena ere ezagutu ahal izan dute bertaratutakoek.