Plaza Bizi ekimenaren lehen bilera parte-hartzailea izan zen atzokoa eta antolatzaileek balorazio positiboa egin dute. Ekarpen interesgarriak jaso zituztela adierazi dute, aurretik eginiko diagnostikoa elikatzen jarraitzeko baliagarriak direnak. Hasieran talde handian ideiak partekatu zituzten, eta ondoren lan-taldeetan garatu zituzten proposamenak. Gainera, 2040ko Arimazubi plaza nolakoa izango den irudikatzeko ariketa ere egin zuten.
Ekimenaren bitartez espazio publiko bizi eta inklusibo bat diseinatu nahi dute, guztion artean. Horregatik, antolatzaileek dei egin diete herritarrei ez ezik, udalari, ikastetxeei, elkarteei eta auzoko eragile sozialei ere hurrengo bileretan parte hartzeko: azaroaren 19an, abenduaren 10ean eta urtarrilean egingo dira hurrengo saioak.