295 bazkide ditu egun Goienagusik, eta bizitza aktiboaren aldeko apustua egin zuen hasieratik. Askotariko ekintzak egiten dituzte urtean zehar, eta bazkideen erantzuna oso ona izan da.
2024an 47 hitzaldi antolatu zituzten, eta beste hainbat ekintza egin. Besteak beste, kultura irteerak, tailerrak eta mendi ibilaldiak. Bazkideen erantzuna oso ona izan zen guztietan. Horregatik, kalitatezko ekintzak bermatu gura dituzte, baita, 2025ean ere.
Arrasateko Kulturaten egindako urteko batzarrean Goienagusiren hainbat bazkide batu dira, zuzendaritzakoen azalpenak entzuteko. 2024an bazkideen kopurua asko handitu zela kontatu dute, baina, bazkide berriendako ateak zabalik dituzte gaineratu.
Horretarako Goienagusi.eus atarian sartu, eta bertan eskatzen dena bete behar da.
