29-25 emaitzarekin amaitu da lehen laurdena eta, markagailuan aurretik zihoala, indartsu ekin dio MUk bigarren laurdenari, 6-0ko partziala sartuta minutu eta erdian. Baina zonakako defentsan jarri dira aurkariak ondoren eta gauzak zaildu egin dizkio horrek. 48-52 emaitzarekin bukatu dute bigarren laurdena; eta 70era berdinduta, hirugarrena. Azken unera arte arte lehia estua egon da talde bien artean, baina neurketaren azken minutu eta erdian egindako saskiratzeei eta defentsa lan onari esker irabazi egin du MUk.
Lau partidu galdu ostean, garrantzitsua izan da gaurko garaipena arrasatearrentzat, aurrera begira animoak suspertzeko.
