Aurreko urtean ingurua ezagutu zutela adierazi du Neil Marshall-ek, Debagoienean atsedena hartu duen bost turistetako batek: "Aurreko urtean Europako Mendiak, Santiago de Compostela eta Portugal bisitatu genituen eta berriro ere atzera egin genuen. Beraz, badakigu inguru oso oso polita dela". Ezagutu zuten hura asko gustatu zitzaiola-eta, oraingoan Euskal Herrira etorri dira.
McLaren, errendimendu handiko kirol-auto britaniarra, bere potentzia eta teknologia aurreratuagatik da ezaguna. Auto horiek 275.000 €-tik gora balio dezakete. Autoaren jatorria Ingalaterrakoa dela aintzat hartuta, Erresuma Batuan hemen baino gehiago ikusteko aukera dagoela dio Marshall-ek. Horregatik geratu dira hainbat arrastear gaur liluratuta auto bereziok ikustean. Beste herrialde batzuk bisitatzen dituztenean, bertakoek autoei argazkiak ateratzen dizkietela aipatu Marshall-ek.
Denbora gutxiz ikusi ahal izan dira McLaren autoak Arrasaten, Bilbotik Hondarribira bidean gosaltzeko geldialdia egin dutelako. McLaren autoek bidaia hasi besterik ez dute egin, egun hauek Pirinioak gurutzatzen pasako dituzte-eta.
