Uztail erdialdean hasi zituzten Mojategiko berrikuntza lanak eta oraindik ere horretan dihardute. Bi inbertsio eta esku-hartze proiektu ezberdin dira, baina biak daude Mojategiko kirol instalakuntzekin lotuta. Batetik, atletismo pista berritzea eta, bestetik, argiztapen-sare eraginkorra eta jasangarria jartzea dute helburu.
Mojategin egingo den inbertsioa, guztira, 1.111.175,40 eurokoa izango da; atletismoko pistako lanen aurrekontua 749.572,59 eurokoa da eta argiteriako lanena 361.602,81 eurokoa, BEZa barne, bi kasuetan. Morrasek adierazi duenez "epe guztiak betetzen" ari dira, eta espero dute "argiztapen-sarea irailerako berriztuta egotea". Atletismo pistak berriz "udazkenera arte" itxaron beharko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.