"Aldaketa politikoa hemen" dela adierazi du, euren "estrategia fruituak ematen" ari dela, eta "Euskal Herrian lan eta bizi direnen artean gero eta jende gehiagok babesten" duela EH Bilduren proiektu politikoa.
"Hauteskunde zikloa oso arrakastatsua izan" dela azaldu du, baina Euskal Herriaren ziklo elektorala ez dela oraindik bukatu, Lapurdin, Nafarroa Beherean eta Zuberoan domeka honetan bozkatzen dutelako. Ildo horretatik, erronka bat eta amets bat jarri ditu mahai gainean: "Imajinatu zer litzatekeen ezkerreko diputatu abertzale bat Parisen egotea edo hiru euskaltzale Parisen egotea. Hori egin daiteke, eta hori da gure erronka".
Gaineratu du "politika konbentzionalak ezartzen dituen markoak gainditzeko bidean iraultza txikiak egin" dituztela eta "horiek etorkizunera begira oso inportanteak" direla: "Gobernu eta estatu bokazioa, gobernantza kolaboratiboen aldeko apustua edota hauteskunde-emaitzak irakurtzeko modua".
Datozen hilabete-urteetara begira, "egoera sozio-ekonomikoaren gaineko eztabaida, eztabaida zentrala izango" dela adierazi du, baita Euskal Herriaren nazio aitortzari dagokiona ere, eta "Euskal Herriaren nazio izaera errespetatzera" dei egin du.
Hurrengo ikasturtean
EH Bilduk datorren ikasturtean egingo duen kongresuari erreferentzia eginez bukatu du hitzartzea: "Ohiko batzarra izango dela, baina ez-ohiko anbizioduna".
