Jon Andoni Rementeria eta Maider Larrañaga –Arrasateko Arteaga jatetxea– sommelierrek gidatu zuten Herriko Plazan egindako dastaketa erraldoia. Goizeko 11:30ean ekin zioten dastaketari eta ordu eta erdiz aritu ziren ardo desberdinak dastatzen, guztira zortzi ardo probatu zituzten, guztiak Euskal Herrikoak. "Euskal Herriko ardoak eskaini nahi genituen, baina ez guztiok ezagutzen ditugunak. Ardo pila bat daude deskubritzeko oraindik" zioen Maider Larrañagak. Hala, gerturatu diren herritarrek, Txakolin beltza, Arabako txakolina eta beste hainbeste dastatzeko aukera izan zuten.
Arratsaldean jarraituko zuen jaiak, herriko hainbat tabernetan –Iamai, Nahi, Irati, Kajoi, Itzala, Buenuena eta Ezkiña– egindako uztartze bereziarekin: tabernek ardo eta pintxo bereziak eskainiko zituzten.
Balorazio positiboa
Eguneko balorazio "oso positiboa" egin dzuen Maider Larrañagak izan ere, Jon Andoni Rementeriarekin batera "oso gustura" ibili zela aitortu zuen, eta "asko disfrutatu" zuela.
