Arrasateko Txikitxu Arrostaitz eta Lore Gazteak taldeei egokitu zaie, Udalaren babesarekin, bihar ospatuko duten 29. Debagoieneko Dantzari Eguna antolatzea. Eskualdeko dantza taldeen arteko harremana sustatzea du helburu biharko topaketak. "Lau taldetako dantzari helduak gonbidatu ditugu: Antzuolako Oinarinekoak, Aretxabaletako Leizarra taldekoak, Oñatiko Oñatzekoak, eta aurten, estreinakoz, Eskoriatzako Gorosarri dantza taldekoak ere izango dira; bada, sei taldetako 170 dantzari inguru batzea aurreikusten dugu", diote anfitrioiek.
11:15ean abiatuko dira Kulturolatik kalejiran, eta dantza saioa egingo dute ondoren, Herriko Plazan. Arrasateko Udalaxpe txistulariak, gaiteroak eta Garinband taldeak, eskualdeko musikari gehiago eta Erraldoi eta Kilikien Konpartsa izango dituzte lagun.
Goizeko saioen ostean Kulturolan elkarrekin bazkaldu ondoren, erdiguneko kaleetan zehar ibiliko dira arratsaldean, Arrasateko Ttakun txalaparta elkarteko kideen konpainian.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
