Peryferyka ekoiztetxearen laugarren lana da Larramendi. "Arratsalde batez ilobarekin basora joan eta hura gabe itzultzen den gizonaren istorioa, zorotzat hartzen duten Martze- lo Larramendiren eta bere biloba Bixentaren istorioa kontatu dugu bihar estreinatuko dugun lanean. Kontakizun horrekin, denborari buruzko hausnarketa sakonera daramatzagu ikus-entzuleak; izan ere, denbora urrea da, berunak beste pisatzen hasten den arte", azaldu dute Peryferyka lantaldekoek.
Iban del Camporen Sorbeltza, lanak, berriz, hiru pertsona barruan dituela itsasoratzen den belaontzi bat du abiapuntu, eta insomnio sukartsu batez eta askatasunaren beharraz hitz egiten du. Hala, Erika Olaizola, Joseba Apaolaza eta Miren Gaztañaga dira film horretako protagonistak.
Emanaldia solasaldiarekin
Bi lanen egileak izango dira biharko emanaldian. Lanaren gaineko aurkezpen laburraren ostean eskainiko dute filma, eta ondoren, egileekin solasaldia egiteko aukera izango dute Amaia antzokira hurbiltzen direnek.
